Հանդիպումը չորեքշաբթի, 2022թ․ մարտի 9-ին, սկսած ժ․ 14-ից

Դեկտեմբերի 9-ին ստորագրված Տնտեսական ճանապարհային քարտեզով Ֆրանսիան և Հայաստանը նախանշեցին ուղղություն, որը մտադիր են արագ կյանքի կոչել։ Ֆրանսիան և Հայաստանը, միևնույն ժամանակ ամրապնդված լինելով հանձնառու տեղական ինքնակառավարման մարմինների, ՀԿ-ների, ձեռնարկությունների և ֆրանս-հայկական քաղաքացիական հասարակության դինամիկայով, միակարծիք և շահագրգռված են իրենց հավակնությունների իրականացման գործում բոլոր դերակատարների անմիջական ներգրավվածության հարցում։

Հանրապետության նախագահի բարձր հովանու ներքո և Ֆրանսիայի ու Հայաստանի միջև դիվանագիտական հարաբերությունների հաստատման 30-ամյակի կապակցությամբ, 2022թ․ մարտի 9-ին Փարիզում, բոլոր դերակատարների մասնակցությամբ, անցկացվում է «Հավակնություններ՝ Ֆրանսիա-Հայաստան» միջոցառումը՝ քննարկելու համագործակցության նախագծերն ի նպաստ Հայաստանի։ Քննարկումները, որոնց մասնակցելու են Հայաստանի Հանրապետության կառավարության ներկայացուցիչները, կազմակերպվում են համաժամանակյա չորս բանավեճի շուրջ, որոնք կմեկնարկեն ժամը 14-ից (Փարիզի ժամանակով)։ Դրանք պաշտոնապես կեզրափակվեն ժ․ 17-ին ամփոփիչ ելույթով։